Vídeoleccións con presentador

Neste tipo de vídeo, a persoa que explica soe aparecer nun plano medio ou americano superposto á información (unha diapositiva, unha imaxe…un vídeo).

Con frecuencia recórrese ao emprego dun croma aproveitando diversos programas para ordenador e apps para dispositivos móbiles que permiten sacar partido do mesmo. Este soe consistir nunha tea verde ou azul que durante a edición desaparecerá para deixar ver o multimedia subxacente.

Polo xeral soen abondar os exemplos de plano americano, plano medio ou combinacións dos mesmos. Nos vídeos máis traballados soen intercalar os anteriores planos con outros medio curto ou un primeiro plano.

Incorporar o profesor na explicación permite gañar linguaxe xestual ao recoller os movementos das mans e podendo explicar e sinalar sobre a imaxe de atrás en contexto. Isto tamén permite a incorporación dun intérprete de signos se é preciso. 

Nas apps para tableta salientamos Touchcast. Para ordenador temos diferentes programas.