Lista de comprobación antes de gravar un vídeo

Preparaches a zona de atrás do teu presentador ou actores e ten o aspecto que pensaches previamente?
Hai algo no fondo da toma que non queres que se vexa:? fotos inapropiadas ?, información sensible?, pintura riscada na parede? manchas? está escunchada?
Puxeches o teu teléfono e os do teu equipo en modo avión?
A zona é a apropiada e está tranquila sen ruídos molestos e fóra de posibles interrupcións?
Avisaches á xente darredor que vas gravar para que sexan pacientes e non fagan ruído?

Hai suficiente luz? Se é a resposta NON…podes facer a gravación noutro intre con máis luz, acender luces, colocar uns flexos, abrir persianas…
Teño ao meu protagonista a contraluz (fontes de luz fortes ás súas costas como fiestras, portas abertas ou o sol). É o que querías?. Se a resposta é NON, proba a axustar as luces que o provocan ou cámbiao de situación.
Teño luces adicionais. Focos, flexos… comprobaches se hai baterías para cargalos ou enchufes preto? (considera levar regletas e prolongadores).

Nivelaches o trípode?
Tes unha un adaptador para a túa cámara ou dispositivo móbil e ancoralo ao teu trípode? O trípode pode coa túa cámara?
A que altura está a cámara comparado co teu presentador? Evita picados ou contra picados excesivos a non ser que o esixa o guión.

Realmente o vídeo que querías facer era nun formato vertical? estás seguro?
Está o elemento a filmar á distancia correcta para o plano que tiñas en mente? Lembra facer planos: detalle, de medios e enteiros ou americanos para unha vídeolección.
Está o teu presentador ou elemento colocado no sitio correcto do teu encadre? .Lembra unha regra básica de composición: Regra dos Terzos.
Tes tarxetas de memoria suficientes en un par de extras para eventualidades?
Limpaches a memoria do teu dispositivo móbil para que non te quedes sen espazo?
Tes suficiente batería para o teu teléfono ou dispositivo móbil
Baterías de recambio?. Powerbanks se usas móbil?

En caso de habelos no teu vídeo, tes un estabilizador? e un un deslizador, un monopatín, cedeira con rodas, unha alfombra para tirar dela?
Se non tes nada do anterior, practicaches antes de facelo e comprobar o resultado? lembra desparazarte co “paso do ninja ou avestruz”.

Tes un micrófono?
Tes os cables apropiados ou conectores para o teu micrófono? Os da cámara e ordenador non valen directamente, hai que engadirlles adaptador. Traes adaptador?
Está conectado? E o cable de extensión (de habelo)?
Está colocado onde debe estar? A distancia debida?
Está o suficientemente preto do teu presentador?
Se sae o micro no plano, é iso o que queres?
Fixeches probas de son? Para confirmar que se recibe a señal do micro?
NON tes micro: podes colocar un móbil (en modo avión) preto do protagonista para que grave o audio?

Tres auriculares para escoitar con calidade o audio do gravado nas comprobacións?
Podes oír sons non desexados e Ruídos? (preocúpate, para un segundos e busca a solución)
Podes oír o teu narrador claramente sen ruídos ou sons ” implosivos” (sons de estalido) de p, t, k, e sons similares)? Se se escoitan, proba a poñer unha espuma ou un peluche cola de rata ao micro ou proba a alonxalo.

Levades roupa verde/azul e ides usar un croma verde ou azul? Mala idea. Cambia a roupa
A roupa fai moiré? Cámbiaa antes de comezar
Tes pendentes ou xoias que fagan ruidiños ao moverse? Fóra!
A roupa fai ruídos ao tocar o micro? Cámbiaa ou proba a poñer mellor o micro (colocar o cable polo lombo é o apropiado). podes fixar o cable con esparadrapo…

Non tes guión? Preparate para aprender polo camiño das adversidades!
Non tes guión, pero tes un borrador cos puntos claves a tratar. Pensa antes ben o que vas dicir antes de darlle a gravar. Deixa os puntos clave preto.
Tes guión? Ben! primeiro paso para aforrar tempo. Repasáchelo na casa ou antes de entrar agravar?
Trouxéches o guión técnico? Tes copias para repartir entre o equipo? Discutíchelo con eles?
Lápis e ou subliñadores para anotar, facer cambios ou suxerencias sobre a marcha..etc?

Trouxeches cargadores de batería por se se prolonga a gravación?
Listas de rodaxe cos elementos que precisas (atrezzo, elementos cos que interactúas…)?
Trouxeches un peite e/ ou maquillaxe para os máis pizpiretos e fachendosos?
Unha goma de pelo para unha melena que non para con moito vento?
Permisos de gravación? Autorización de dereitos de imaxe?

Consultaches a previsión meteorolóxica dos días de gravación?
Se gravas en costa sabes a que horas son as mareas?
Coñeces o tempo que tardas en desprazarte?
Tes os permisos de rodaxe para as localizacións?
Botaches gasolina ao coche?
Levas uns bocatas, froitas, galletas, auga por se a cousa se demora máis do previsto?
Sabes o tlf de emerxencias? Indicaches a túa familia/ amigo a onde te desprazas por se acaso pasa algo?